Blanca é doutora en Psicoloxía Social pola Universitat Autònoma de Barcelona, onde traballa actualmente como profesora lectora e investigadora no Departamento de Psicoloxía Social. Tamén impartiu docencia como profesora invitada en programas nacionais e internacionais de Máster e Doutoramento en diferentes universidades (UB, UPV, GSA, UChile, UNAL, UDELAR, U. Jorge Tadeo Lozano).

>Foi investigadora posdoutoral no Centre for Science Studies (Universidade de Lancaster, 2012-2014) e a súa investigación sitúase na área dos Estudos Sociais de Ciencia e Tecnoloxía (STS) e a acción política colectiva, as culturas materiais e as respostas comunitarias á crise ecosocial. Nos últimos anos, investigou sobre os residuos electrónicos, de usuarios e infraestruturas, e as culturas da reparación. Tamén colaborou con institucións culturais e de arte na curadoría e docencia de proxectos educativos e culturais, como o curso LABBBs (Laboratorios Bibliotecarios) do Ministerio de Cultura, ou o proxecto “Escola en Residència“, do CCCB.

En 2015 cofundou a asociación Restarters BCN, da que segue sendo membro, dedicada á promoción das culturas da reparación para a transición económica/ecolóxica de Barcelona. Desde esta entidade coordinou dous proxectos de investigación aplicada: Barcelona s’endolla, para a creación de dúas comunidades piloto de reparación local, e BCN Recircula.

Como investigadora, coordinou e participou en proxectos de investigación como Scraping politics: innovación e experiencia cidadá na redución, reutilización e reciclaxe de residuos electrónicos, financiado polo Ministerio de Educación; Habitar la suficiencia para sostener la vida, financiada por CREA, ICUB; ou Circular Grassroots Innovations for Sustainable and Inclusive Urban Transitions, coordinado por MJ Zapata (Universidade de Gotemburgo). Tamén investiga, xunto con Cristina Cano e Ion Fernández de las Heras, do grupo WINE (Universitat Oberta de Catalunya), na liña de investigación REMAINS, e forma parte do equipo de investigación do proxecto ATTRACT: A Right To Repair Society, coordinado desde o Post-Growth Innovation Lab.